Table of Contents
ক্ৰিপ্ট’কাৰেন্সীয়ে ফিয়াট ধনৰ জনপ্ৰিয় বিকল্প হিচাপে বিনিয়োগকাৰী আৰু বিত্তীয় সেৱা প্ৰতিষ্ঠানসমূহত যথেষ্ট আগ্ৰহ আকৰ্ষণ কৰিছে। অৱশ্যে ব্লকচেইন ভিত্তিক ডিজিটেল মুদ্ৰাৰ ধাৰণাটোৰ ক্ষেত্ৰত এক প্ৰত্যাহ্বানজনক সমস্যা আছে। এনে মুদ্ৰাটো নিয়মীয়া ফিয়াট মুদ্ৰাৰ দৰে খৰচ কৰাটো কঠিন কাম হ’ব পাৰে। কিন্তু দৈনন্দিন বিত্তীয় কামৰ বাবে মুখ্যৰুপে মানুহে ক্ৰিপ্ট’কাৰেন্সী যেনে বিটকইন আৰু ইথেৰিয়াম ব্যৱহাৰ কৰাৰ উপায় কিছুমান আছে। ক্ৰিপ্ট’ জগতৰ এটা জ্বলন্ত প্ৰশ্ন হ’ল 2022 চনত ক্ৰিপ্ট’ক কেনেদৰে নগদলৈ ৰূপান্তৰ কৰিব পাৰি?
ডিজিটেল মুদ্ৰাবোৰ অত্যন্ত অস্থিৰ আৰু সেয়ে সেইবোৰৰ মূল্য নাটকীয়ভাৱে উঠা-নমা হয়। কোনো এগৰাকী বিপদাশংকা-বিমুখ বিনিয়োগকাৰীয়ে ডিজিটেল মুদ্ৰাক লৈ থকা অনিশ্চয়তাৰ পৰিপ্ৰেক্ষিতত তেওঁলোকৰ ডিজিটেল ধনক ফিয়াট মুদ্ৰালৈ ৰূপান্তৰ কৰাৰ কথা বিবেচনা কৰিব পাৰে। অৱশ্যে, ক্ৰিপ্ট’ক নগদলৈ ৰূপান্তৰ কৰাৰ সকলো উপায়ত লাভৰ ওপৰত কৰো অন্তৰ্ভুক্ত থাকে। এই প্ৰবন্ধটোত, আমি 2022 চনত ক্ৰিপ্ট’ক কেনেদৰে নগদলৈ ৰূপান্তৰ কৰিব পাৰি সেইবিষয়ে আপোনাৰ প্ৰশ্নৰ উত্তৰ দিম।
ভাৰতত ক্ৰিপ্ট’ক কেনেদৰে নগদলৈ ৰূপান্তৰ কৰিব পাৰি, তাৰ নিৰ্দেশনা
এটা ক্ৰিপ্ট’কাৰেন্সী এক্সচেঞ্জ প্লেটফৰ্মৰ জৰিয়তে
ভাৰতত ক্ৰিপ্ট’ক নগদলৈ ৰূপান্তৰ কৰাৰ প্ৰথম উপায় হৈছে ক্ৰিপ্ট’কাৰেন্সী এক্সচেঞ্জ প্লেটফৰ্ম যেনে WazirXব্যৱহাৰ কৰি ৰূপান্তৰ কৰা। তাৰ পাছত, আপুনি যিকোনো ক্ৰিপ্ট’কাৰেন্সীক এক্সচেঞ্জ প্লেটফৰ্ম বা দাললৰ জৰিয়তে নগদলৈ ৰূপান্তৰ কৰিব পাৰে। এইটো বিদেশী বিমানবন্দৰৰ মুদ্ৰা বিনিময় প্ৰণালীৰ দৰে একেই।
- আপুনি আপোনাৰ ক্ৰিপ্ট’কাৰেন্সী WazirX-ৰ দৰে এক্সচেঞ্জত জমা কৰিব লাগিব।
- তাৰ পিছত আপুনি আপোনাৰ পচন্দৰ মুদ্ৰা উলিয়াই অনাৰ এটা অনুৰোধ কৰিব লাগিব।
- কিছু সময়ৰ পিছত টকাখিনি আপোনাৰ বেংক একাউণ্টত জমা হ’ব।
এই পদ্ধতিটোকে আটাইতকৈ সুৰক্ষিত বুলি গণ্য কৰা হয়, কিন্তু কেতিয়াবা আপোনাৰ একাউণ্টলৈ পুঁজি আহিবলৈ 4-6 দিন লাগে। তদুপৰি, ক্ৰিপ্ট’কাৰেন্সী এক্সচেঞ্জবোৰে লেনদেন মাচুল আদায় কৰে, যিবোৰ এক্সচেঞ্জ প্লেটফৰ্ম অনুসৰি ভিন্ন হয়।
পিয়েৰ-টু-পিয়েৰ নেটৱৰ্কৰ যোগেদি
এক পিয়েৰ-টু-পিয়েৰ প্লেটফৰ্মৰ জৰিয়তে ভাৰতত ক্ৰিপ্ট’ক কেনেদৰে নগদলৈ ৰূপান্তৰ কৰিব লাগে সেই বিষয়ে আমাৰ গাইডত পৰৱৰ্তী অংশত কোৱা হৈছে । আপুনি আপোনাৰ ক্ৰিপ্ট’কাৰেন্সীবোৰ কেৱল বিক্ৰী কৰি নগদলৈ ৰূপান্তৰ কৰিবলৈ পিয়েৰ-টু-পিয়েৰ প্লেটফৰ্ম এখন ব্যৱহাৰ কৰিব পাৰে। এই পদ্ধতিটোৱে আপোনাক দ্ৰুত আৰু অধিক বেনামীভাৱে টকা উলিওৱাত সহায় কৰে। এই পদ্ধতিৰ অন্যান্য লাভালাভবোৰৰ ভিতৰত এইখিনি আছে- কম মাচুল আৰু তৃতীয়-পক্ষৰ বিনিময় প্লেটফৰ্মৰ তুলনাত উন্নত বিনিময় হাৰৰ সম্ভাৱনা। প্ৰথমতে, আপুনি পিয়েৰ-টু-পিয়েৰ এক্সচেঞ্জ প্লেটফৰ্মৰ বাবে ছাইন আপ কৰিব লাগিব আৰু আপোনাৰ আদৰ্শ ক্ৰেতাৰ অৱস্থান সন্ধান কৰিব লাগিব।
তাৰ পাছত, বজাৰত ক্ৰেতা বিচাৰক। বেছিভাগ পিয়েৰ-টু-পিয়েৰ প্লেটফৰ্মে এস্ক্ৰ’ সেৱা আগবঢ়ায়। ইয়াৰ অৰ্থ হৈছে আপুনি পৰিশোধ প্ৰাপ্ত বুলি নিশ্চিত নকৰালৈকে আপোনাৰ ক্ৰিপ্ট’কাৰেন্সীখিনি ক্ৰেতাৰ বাবে উপলব্ধ নহয়।
পিয়েৰ-টু-পিয়েৰ বিক্ৰী পদ্ধতি ব্যৱহাৰ কৰোঁতে স্কেমাৰৰ বিষয়ে অৱগত হোৱাটো গুৰুত্বপূৰ্ণ। আপুনি ক্ৰেতাৰ বাবে আপোনাৰ ক্ৰিপ্ট’কাৰেন্সী মুকলি কৰাৰ আগতে তেওঁলোকৰ পৰিচয় সত্যাপন কৰিব লাগিব। লগতে এক পিয়েৰ-টু-পিয়েৰ প্লেটফৰ্ম ব্যৱহাৰ কৰিবলৈ দৃঢ়ভাৱে পৰামৰ্শ দিয়া হয় যি আপোনাক ক্ৰেতাই পৰিশোধ নকৰালৈকে আপোনাৰ ক্ৰিপ্টো সম্পদবোৰ লক কৰি ৰাখিবলৈ অনুমতি দিয়ে।
ক্ৰিপ্ট’কাৰেন্সী বেংকিঙৰ সৈতে আপোনাৰ ক্ৰিপ্টকাৰেন্সী, যেনে ফিয়াট ব্যৱহাৰ কৰক
ক্ৰিপ্ট’কাৰেন্সী বেংকিঙে মানুহক তেওঁলোকৰ ডিজিটেল সম্পত্তি একেধৰণেৰে খৰচ কৰিবলৈ অনুমতি দিয়ে যিদৰে তেওঁলোকে পৰম্পৰাগত ধন খৰচ কৰে। ক্ৰিপ্ট’ বেংকিঙে মানুহক তেওঁলোকৰ ডিজিটেল কইনসমূহ তেওঁলোকৰ ডিজিটেল ৱালেটত ৰখাৰো অনুমতি দিয়ে। এই প্ৰকাৰৰ বেংকিঙৰ জৰিয়তে, আপুনি ক্ৰিপ্ট’কাৰেন্সী ডেবিট কাৰ্ডৰ প্ৰৱেশাধিকাৰ প্ৰাপ্ত কৰে। এই কাৰ্ডসমূহে আপোনাক আপোনাৰ ডিজিটেল মুদ্ৰা বেলেন্স ব্যৱহাৰ কৰিবলৈ সক্ষম কৰে কিয়নো আপুনি দৈনন্দিন ক্ৰয় কৰিবলৈ বা ইয়াক বিনিয়োগ হিচাপে ৰখাৰ সলনি নগদ ধন হিচাপে উলিয়াবলৈ আন যিকোনো মুদ্ৰা ব্যৱহাৰ কৰিব।
ক্ৰিপ্ট’কাৰেন্সী এক্সচেঞ্জ প্লেটফৰ্মৰ দ্বাৰা ক্ৰিপ্ট’ ডেবিট কাৰ্ড জাৰী কৰা হয়। এই কাৰ্ডবোৰ ক্ৰিপ্ট’কাৰেন্সীৰে পূৰ্ণ হ’ব পাৰে আৰু ডিজিটেল মুদ্ৰা গ্ৰহণ নকৰা ব্যৱসায়ীসকলৰ পৰা অনলাইন আৰু ইন-ষ্ট’ৰ ক্ৰয় কৰিবলৈ ব্যৱহাৰ কৰিব পাৰি।
এই ডেবিট কাৰ্ডবোৰ উপলব্ধ হোৱাৰ আগতে, আপুনি কেৱল আপোনাৰ ক্ৰিপ্টোকাৰেন্সী ৰিটেইলাৰত ব্যয় কৰিব পাৰে যিসকলে ক্ৰিপ্ট’কাৰেন্সীক পৰিশোধ পদ্ধতি হিচাপে গ্ৰহণ কৰিবলৈ বা ক্ৰিপ্টোক নগদলৈ ৰূপান্তৰ কৰাৰ উপায় বিচাৰিব পাৰে। বৰ্তমান, ফিনটেক ফাৰ্মবোৰে এই ক্ৰিপ্ট’ কাৰ্ডবিলাক প্ৰদান কৰিবৰ বাবে চাৰ্টাৰ্ড বেংক আৰু ডেবিট কাৰ্ড জাৰীকৰ্তাৰ সৈতে অংশীদাৰীত্ব কৰি আছে, আপোনাৰ ক্ৰিপ্ট’কাৰেন্সীবোৰ স্বয়ংক্ৰিয়ভাৱে বিক্ৰী কৰিবলৈ তেওঁলোকৰ অংশীদাৰৰ লজিষ্টিক আৰু ৰেগুলেটৰী ফ্ৰেমৱৰ্ক ব্যৱহাৰ কৰিছে, সেইবোৰ নগদলৈ ৰূপান্তৰ কৰিছে আৰু ৰিটেইলাৰসকলক সেইবোৰ গ্ৰহণ কৰিবলৈ অনুমতি দিছে। ইয়াৰ অৰ্থ হৈছে ক্ৰিপ্ট’ বেংকিঙৰ জৰিয়তে; আপুনি আপোনাৰ ডিজিটেল পুঁজি ব্যৱহাৰ কৰিব পাৰে য’ত পৰম্পৰাগত ডেবিট কাৰ্ড গ্ৰহণ কৰা হয়।
যদিও ক্ৰিপ্ট’ বেংকিং হৈছে এক উদীয়মান ধাৰণা, ইয়াক পৰম্পৰাগত বেংকৰ দৰে জনপ্ৰিয় হ’বলৈ সময় লাগিব। সেয়েহে, ভাৰতত বিটকইন কেনেকৈ নগদলৈ ৰূপান্তৰ কৰিব ৰ সন্ধান অব্যাহত থাকিব। এই প’ষ্টটোৱে আপোনাক ক্ৰিপ্ট’/বিটকইনক নগদলৈ কেনেদৰে ৰূপান্তৰ কৰিব লাগে সেই বিষয়ে নিৰ্দেশনা দিবলৈ চেষ্টা কৰিছিল। অৱশ্যে, এইটো মনত ৰখাটো গুৰুত্বপূৰ্ণ যে ক্ৰিপ্ট’কাৰেন্সী মাৰ্কেটখন অস্থিৰ। সেয়েহে, আপুনি ক্ৰিপ্ট’ৰ ক্ষেত্ৰত ব্যৱসায়ৰ বিপদাশংকা হ্ৰাস কৰিবলৈ অত্যাৱশ্যকীয় প্ৰতিৰোধমূলক ব্যৱস্থা ল’ব লাগিব।
বিদ্ৰ: আপোনাৰ ক্ৰিপ্ট’ কেৱল বিশ্বস্ত ক্ৰিপ্ট’ প্লেটফৰ্মৰ পৰাহে নগদলৈ ৰূপান্তৰ কৰিব!
দায়লুপ্তি: ক্ৰিপ্ট’কাৰেন্সী আইনী নিবিদা নহয় আৰু বৰ্তমান অনিয়ন্ত্ৰিত পৰ্যায়ত আছে। অনুগ্ৰহ কৰি নিশ্চিত কৰক যে আপুনি ক্ৰিপ্ট’কাৰেন্সীৰ ব্যৱসায় কৰোঁতে পৰ্যাপ্ত পৰিমাণৰ বিপদাশংকা মূল্যায়ন কৰিব, কিয়নো এইবিলাকৰ মূল্য প্ৰায়েই উচ্চ হাৰত অস্থিৰভাৱে উঠা-নমা কৰি থাকে। এই অংশত প্ৰদান কৰা তথ্যই কোনো ধৰণৰ বিনিয়োগৰ পৰামৰ্শ বা WazirXৰ আনুষ্ঠানিক স্থিতিৰ প্ৰতিনিধিত্ব নকৰে। WazirX-এ যিকোনো সময়তে আৰু আগতীয়া জাননী অবিহনেই, যিকোনো কাৰণত এই ব্লগ প’ষ্টটো সংশোধন বা পৰিৱৰ্তন কৰাৰ অধিকাৰ, একমাত্ৰ নিজা বিবেচনাত সংৰক্ষিত কৰি ৰাখিছে।
