આગામી બિટકોઈન હાવિંગ (અડધું કરવું) – ક્યારે, શું અને કેવી રીતે? (The Next Bitcoin Halving – When, What, and How?)

રસપ્રદ હકીકત: 2008 માં બ્લોકચેન પ્રથમ વખત લાઇવ થયું ત્યારે માઇનિંગ રિવોર્ડ 50 બિટકોઇન (BTC) હતો.જ્યાં સુધી 2,10,000 બ્લોક્સ ઉમેરવામાં ન આવ્યા ત્યાં સુધી ચૂકવણી યથાવત રહી, ત્યાર બાદ તે અડધી થઈ ગઈ (અડધી કરવામાં આવી).આગામી 2,10,000 બ્લોક્સ ઉમેર્યા પછી, પ્રક્રિયા પુનરાવર્તિત થાય છે.તેને બિટકોઈન હાવિંગ તરીકે ઓળખવામાં આવે છે.

બિટકોઈન હાવિંગ એ દર ચાર વર્ષે થતી સૌથી નોંધપાત્ર ઘટનાઓમાંની એક છે અને બિટકોઈન ઈકોસિસ્ટમમાં શામેલ હોય તે દરેક વ્યક્તિને વ્યવહારીક રીતે તેની અસર થાય છે. અત્યાર સુધી (2012, 2016 અને 2020માં) બિટકોઈનને અડધા કરવાની ત્રણ ઘટના બની છે, જેમાંથી દરેકે ભારે ચર્ચા જગાવી છે. એકંદર સપ્લાયને સતત ચાલુ રાખવા માટે બિટકોઈન હાવિંગ એ વર્ચ્યુઅલ કરન્સીના પ્રોગ્રામિંગનો એક ભાગ છે.

જો કે, ચાલો બિટકોઈન હાવિંગ શું છે અને તે કેવી રીતે કાર્ય કરે છે તેના પર ધ્યાન કેન્દ્રિત કરીએ. આ વિશે જાણવા માટે, તમારે પહેલા તે કેવી રીતે કાર્ય કરે છે તે જાણવાનું રહેશે. ચિંતા કરશો નહીં; તમે બિટકોઈન વિશે અહીં વાંચી શકો છો.

બિટકોઈન હાવિંગ શું છે?

બિટકોઈન નેટવર્ક દર દસ મિનિટે નવા બિટકોઈન બનાવે છે. બિટકોઈન તેના અસ્તિત્વમાં આવ્યાના પ્રથમ ચાર વર્ષોમાં દર 10 મિનિટે બહાર પાડવામાં આવતા નવા બિટકોઈન્સની સંખ્યા 50 હતી. દર ચાર વર્ષે આ સંખ્યા અડધી થઈ જાય છે. જ્યારે નાણાને અડધા ભાગમાં વહેંચવામાં આવે છે, ત્યારે તેને “હાવિંગ” અથવા “હાવનિંગ” તરીકે ઓળખવામાં આવે છે.

દર 10 મિનિટે બહાર પડતાં નવા બિટકોઈન્સની સંખ્યા 2012માં 50 હતી તે ઘટીને 2013માં 25 થઈ ગઈ. 2016માં તે 25 થી ઘટીને 12.5 પર આવી ગઈ. વધુમાં, 11 મે, 2020 ના રોજ થયેલા સૌથી તાજેતરના હાવિંગમાં પુરસ્કાર 2016માં 12.5 થી ઘટાડીને બ્લોક દીઠ 6.25 કરવામાં આવ્યો હતો. 2024 હાવિંગ પછી પુરસ્કાર 6.25 BTC થી ઘટાડીને 3.125 BTC કરવામાં આવશે.

આગામી BTC હાવિંગમાં શું થવાનું છે?

મોટાભાગના રોકાણકારોનું અનુમાન છે કે બિટકોઈનનું મૂલ્ય હવે અને 2024માં તેના ચોથા હાવિંગ સમયે ઝડપથી વધશે અને વૃદ્ધિ પામશે. આ તેના ઐતિહાસિક પ્રદર્શન અને પ્રથમ 3 હાવિંગના પરિણામો પર આધારિત છે. આ બંને કિસ્સામાં બિટકોઈનની કિંમત આસમાને પહોંચી ગઈ છે.

2012 માં પ્રારંભિક હાવિંગ પછીના એક વર્ષની અંદર, બિટકોઈનની કિંમત $12 થી વધીને $1,150 થી વધુ થઈ ગઈ હતી. 2016 માં, બીજા હાવિંગથી બિટકોઈનની કિંમત $3,200 સુધી ઘટતા પહેલાં $20,000 થી વધુ થઈ ગઈ હતી. અને 2020 માં, બિટકોઈનની કિંમત $8,787 થી વધીને $54,276 થઈ, જે લગભગ 517% નો વધારો દર્શાવે છે.

દર 10 મિનિટે નવા બિટકોઇન્સનું ખાણકામ કરવામાં આવે છે તે જોતાં, આગામી હાવિંગ 2024 ની શરૂઆતમાં થવાની સંભાવના છે, જેમાં માઈનરો (ખાણિયા)ને આપવામાં આવતું ચૂકવણું ઘટીને 3.125 BTC થશે. બિટકોઈનના રોકાણકારો અને વેપારીઓએ ધ્યાન રાખવું જોઈએ કે સિક્કા/ટોકન માટે હાવિંગ – વારંવાર નોંધપાત્ર અસ્થિરતા અને અશાંતિમાં પરિણમે છે.

હકીકત એ છે કે હાવિંગ અને ત્યાર પછીના અઠવાડિયા અને મહિનાઓ પછી શું થશે તેની કોઈ ચોક્કસ આગાહી કરી શકતું નથી, તેમ છતાં હાવિંગની ઘટનાઓ પરંપરાગત રીતે ભાવમાં નોંધપાત્ર ફેરફારોમાં પરિણમી છે.

હાવિંગ (અડધા થવા)ની બિટકોઈનની કિંમતો પર અસર

બિટકોઈનની કિંમત 2009માં, જ્યારે તેનો સેન્ટ અથવા ડોલરમાં વેપાર થતો હતો, ત્યારથી એપ્રિલ 2021 સુધી, તેની શરૂઆતથી ક્રમશઃ અને નોંધપાત્ર રીતે વધી હતી જ્યારે એક બિટકોઈનની કિંમત $63,000થી વધુ હતી. તેમાં જબરદસ્ત વૃદ્ધિ રહી છે. બ્લોક રિવોર્ડને અડધું કરવાથી ખાણિયાઓ (અથવા બિટકોઈન ઉત્પાદકો)ની કિંમત અસરકારક રીતે બમણી થઈ જાય છે, તેથી કિંમતો પર પણ ફાયદાકારક પ્રભાવ હોવો જરૂરી છે, કારણ કે ખાણિયાઓને ખર્ચ થાય છે અને તેને આવરી લેવા માટે; તેઓ તેમની વેચાણ કિંમતમાં વધારો કરે છે.

પ્રયોગમૂલક સંશોધન મુજબ, બિટકોઈનની કિંમતો ઘણી વાર વાસ્તવિક ઘટનાના ઘણા મહિનાઓ પહેલા હાવિંગની ધારણામાં વધવાનું વલણ ધરાવે છે.

ઉપસંહાર

બિટકોઈન હાવિંગથી સામાન્ય રીતે ક્રિપ્ટોકરન્સીના નેટવર્કમાં કિંમતમાં ફુગાવો થાય છે અને નવા બિટકોઈન જે ગતિએ જારી કરવામાં આવે છે તેમાં અડધાનો ઘટાડો આવે છે. પુરસ્કાર યોજના 2140 સુધી ચાલે તેવી ધારણા છે, ત્યારે બિટકોઇનની 21 મિલિયનની નિર્દિષ્ટ મર્યાદા પ્રાપ્ત થઈ જાય છે. તે પછી, માઇનરોને ફી સાથે વ્યવહારોની પ્રક્રિયા માટે વળતર આપવામાં આવશે. 

બિટકોઈન હાવિંગથી નેટવર્ક પર નોંધપાત્ર વિપરીત અસર થાય છે. જ્યારે કિંમતમાં વધઘટની અપેક્ષા રાખવામાં આવે છે, ત્યારે કેટલાક વ્યક્તિગત ખાણિયાઓ અને નાની કંપનીઓ પણ ખાણકામના વાતાવરણમાંથી બહાર નીકળી શકે છે અથવા મોટી સંસ્થાઓ દ્વારા હસ્તગત કરવામાં આવી શકે છે, જેના પરિણામે ખાણિયાઓ માટે રેન્કિંગમાં એકાગ્રતા આવે છે. તેથી, આપણે બસ પ્રતીક્ષા કરવાની છે અને જોવાનું છે આગળ શું થાય છે.