Table of Contents
கடந்த ஆண்டில் தொற்றுநோய்க்கு மத்தியில், நகர்ப்புற இந்தியாவில் வேலையின்மை கிட்டத்தட்ட 20% ஆக உயர்ந்துள்ளது. மூடப்பட்ட கடைகள், அலுவலகங்கள், கூலித்தொழில் பற்றாக்குறை போன்றவை இத்தகைய எண்ணிக்கைக்கு பங்களித்தன. இருப்பினும், இந்த பங்களிப்பாளர்களின் பட்டியலில் இடம் பெறாத ஒன்று கிரிப்டோ சந்தையாகும்.
ஏறக்குறைய ஒவ்வொரு மூன்று மாதங்களுக்கும் சந்தை ஏற்ற இறக்கத்தில் இருந்தபோது, கிரிப்டோ சந்தை பாதிப்பில்லாத ஒரு சில துறைகளில் ஒன்றாக இருந்தது. மாறாக, அது உலகளவிலும் கூட வளர்ந்தது. இப்போது, ஒரு தொழிலில் ஏற்றம் இருக்கும்போது, ஏற்படும் தேவை அதிகரிப்பு, அதிக வேலைவாய்ப்பை உருவாக்குகிறது.
இந்தியாவில் கிரிப்டோவின் பணித்துறை அதிக வெற்றியையும் வளர்ச்சியையும் கண்டுள்ளன. நீங்கள் இந்தியாவில் கிரிப்டோ வேலையைத் தேடுகிறீர்களானால், அதில் ஒரு வேலையைப் பெறுவதற்கு முன் இந்த கட்டுரையே உங்கள் இறுதி நிறுத்தமாகும். வேலைகளின் வகைகள் முதல் நீங்கள் எப்படி ஒன்றைப் பெறலாம் என்பது வரை, இந்தியாவில் கிரிப்டோ வேலையைத் தேடுவது மற்றும் பெறுவது வரை அனைத்தையும் நாங்கள் உள்ளடக்கியுள்ளோம்.
கிரிப்டோ உலகில் உள்ள பல்வேறு வேலைகள்
கிரிப்டோ உலகில் உள்ள வேலைகளைப் பற்றிய சிறப்பம்சம், அவை மிகவும் மாறுபட்டவை. கிரிப்டோ வேலைக்கு விண்ணப்பிக்க நீங்கள் ஒரு தொழில்நுட்ப வல்லுனராக இருக்க வேண்டிய அவசியமில்லை.
டேட்டா விஞ்ஞானி (Data Scientist)
கிரிப்டோ துறையில் தற்போது அதிகம் தேவைப்படும் வேலைகளில் ஒன்று டேட்டா விஞ்ஞானியின் பணியாகும்.
டேட்டா விஞ்ஞானிகள் பரந்த வடிகட்டப்படாத டேட்டாவிலிருந்து செயல்படக்கூடிய நுண்ணறிவுகளை உருவாக்கி, அதையொட்டி, தீர்வுகளை உருவாக்குகின்றனர். இயந்திர கற்றல் போன்ற பல கருவிகள் மற்றும் திறன்கள் அத்தகைய நுண்ணறிவை அடைய உதவுகின்றன.G
நீங்கள் கடைசி வரியிலும் பொறுமையை சேர்க்க விரும்பலாம்
பெறப்பட்டவுடன், இந்த நுண்ணறிவு பங்குதாரர்களுக்கு அனுப்பப்படும், இது உறுதியான முடிவுகளை எடுக்க நிறுவனங்களுக்கு உதவுகிறது.
பிளாக்செயின் டெவலப்பர் (Blockchain Developer)
பிளாக்செயின் உருவாக்கத்தில் இரண்டு முக்கிய பணிகள் உள்ளன.
ஒன்று பிளாக்செயின் மென்பொருள் டெவலப்பர் மற்றும் கோர் பிளாக்செயின் டெவலப்பர், இரண்டு பிரிவுகளும் வெவ்வேறு பணிகளைக் கொண்டுள்ளன.
பிளாக்செயின் அமைப்பின் கட்டமைப்பு மற்றும் பாதுகாப்பை மேம்படுத்துவது கோர் பிளாக்செயின் டெவலப்பரின் பொறுப்பாகும்.
மறுபுறம், ஒரு மென்பொருள் உருவாக்குநர் பரவலாக்கப்பட்ட பயன்பாடுகள்/ஸ்மார்ட் ஒப்பந்தங்களை உருவாக்குகிறார், மேற்பார்வை செய்கிறார், மேலும் அவை திட்டமிட்டபடி செயல்படுவதை உறுதிசெய்கிறார். பிளாக்செயின் டெவலப்பராக உங்கள் வாழ்க்கையைத் தொடங்க விரும்பினால், இந்தியாவின் கிரிப்டோ எக்ஸ்சேஞ்ச்களில் ஒன்றான WazirX, இந்தப் பணிக்கான வாய்ப்புகளைக் கொண்டுள்ளது.
இந்த வேலைக்கு உங்களுக்குத் தேவைப்படும் சில திறன்கள் இங்கே:
- கிரிப்டோகிராபி
- ஸ்மார்ட் ஒப்பந்தங்கள் மற்றும் டேட்டா கட்டமைப்பு சார்ந்த அறிவு
- பிளாக்செயின் கட்டமைப்பின் புரிதல்
- வெப் டெவலப்மெண்ட்
கிரிப்டோ மார்க்கெட் அனாலிஸ்ட் (Crypto Market Analyst)
கிரிப்டோ திறன்களைக் கொண்ட நிபுணர்களை பணியமர்த்துவதற்கு நிறுவனங்கள் அதிகளவில் முன்னுரிமை அளித்து வருகின்றன. ஒரு வணிகத்தின் செயல்பாடுகளை மேம்படுத்த கிரிப்டோ துறையில் நிபுணத்துவம் பெற்றவர்களுக்கு நல்ல தேவை உள்ளது.
கிரிப்டோ அனாலிஸ்ட்கள் அதைச் செய்கிறார்கள். ஆய்வு செய்தல், நுண்ணறிவு வழங்குதல், ஆராய்ச்சி செய்தல், கணிப்புகளைச் செய்தல், மார்கெட் ட்ரெண்டுகள், தேவை, விலைகள் மற்றும் பலவற்றைக் கண்காணித்தல் போன்றவற்றுக்கு அவர்கள் பொறுப்பாவார்கள். ஒரு கிரிப்டோ டேட்டா விஞ்ஞானியின் பணியை இது மிகவும் ஒத்திருக்கிறது, ஆனால் அதே பணி அல்ல.
தொழில் நுட்பங்கள் மற்றும் சரியான முடிவைப் பயன்படுத்தி வாடிக்கையாளர்கள் மற்றும் முதலீட்டாளர்களுக்கு முதலீட்டு வழிமுறைகள் மற்றும் முதலீட்டு வாய்ப்புகள் பரிந்துரைகள் அளிப்பது போன்ற திறன்கள் இந்தப் பணியின் தேவையாகும்.
வாடிக்கையாளர் ஆதரவு நிர்வாகி (Customer Support executive)
நல்ல வாடிக்கையாளர் ஆதரவு இல்லாமல் எந்த வணிகமும் சிறப்பாக செயல்பட முடியாது. ஒவ்வொரு நாளும் அதிகமான பயனர்களைக் கொண்டு வளர்ந்து வரும் தொழிலில், வாடிக்கையாளர் ஆதரவிற்கான ஒரு பங்கு மிகவும் தேவைப்படுவது இயற்கையானதாகும்.
கிரிப்டோ எக்ஸ்சேஞ்சுகள் ஒரே நேரத்தில் ஆயிரக்கணக்கான பயனர்களுடன் ஆன்லைனில் செயல்படுகின்றன என்பது எங்களுக்குத் தெரியும், மிக அதிகமான பயனர்கள் மற்றும் அவர்களின் கேள்விகளை நிர்வகிப்பது இந்த வேலையின் அடிப்படைகளாகும்.
இதேபோல், இந்தப் பணிக்கு உறவுகளை கையாளவும், கட்டமைக்கவும், சமூகங்களுடன் ஈடுபடவும் மற்றும் பார்வையாளர்களை அறிவூட்டும் நிகழ்வுகளுக்கு ஏற்பாடு செய்வது போன்ற திறன்கள் தேவை.
ஒட்டுமொத்தமாக, பணியமர்த்தப்பட்ட பணியாளர், வாடிக்கையாளருக்கு ஏதேனும் சந்தேகங்களைத் தீர்க்கும்போது அவர்கள் நல்ல அனுபவத்தைப் பெறுவதை உறுதி செய்வார். WazirX போன்ற கிரிப்டோ எக்ஸ்சேஞ்சுகள் தங்கள் பயனர்களின் மகிழ்ச்சியைக் கருத்தில் கொண்டு வாடிக்கையாளர் ஆதரவிற்கான வேலை வாய்ப்புகளை தற்போது கொண்டுள்ளன.
கிரிப்டோ மார்க்கெட்டிங் (Crypto Marketing)
மார்க்கெட்டிங் என்பது எந்தவொரு வணிகத்தின் தொடக்கத்திலிருந்தும் அதன் முழு ஆயுள் சுழற்சியிலும் மிக முக்கியமான ஒரு பகுதியாகும். அதன் வாடிக்கையாளர் தளத்தை விரிவுபடுத்துவதற்கும், தயாரிப்பு பற்றிய விழிப்புணர்வை ஏற்படுத்துவதற்கும் மார்க்கெட்டிங் உதவுவது மட்டுமல்லாமல், போட்டியைச் சமாளிப்பதற்கும், தயாரிப்புகள் மற்றும் சேவைகளை மேம்படுத்துவதற்கும் இது ஒரு கருவியாக செயல்படுகிறது.
கிரிப்டோ உலகில், சந்தைப்படுத்துதல் அதன் அனைத்து வடிவங்கள் மற்றும் பணிகளில் இன்னும் குறிப்பிடத்தக்க ஒன்றாக இருக்கிறது, ஏனெனில் தொழில் அதன் ஆரம்ப நிலையில் உள்ளது மற்றும் இலக்கு பார்வையாளர்களின் மொத்த ஆர்வமும் கவனமும் தேவைப்படுகிறது.
எடுத்துக்காட்டாக, சந்தைப்படுத்துபவர்கள் பிரச்சாரங்களை வடிவமைக்கலாம் மற்றும் NFTகள், ETFகள் போன்ற குறிப்பிட்ட கிரிப்டோ தயாரிப்புகளை அறிமுகப்படுத்துவதற்கும் அவற்றின் சந்தைகளை முன்னேற்றுவதற்கும் உதவலாம். சாத்தியமான பயனர்களைக் கண்டறிதல் மற்றும் ட்ரெண்டுகளை கண்காணிப்பதன் மூலம், சந்தைப்படுத்துபவர்கள் லாபத்தையும் சந்தைப் பங்கையும் அதிகரிக்கும் உத்திகளை உருவாக்கலாம்.
நிதி நிர்வாகி (Finance Executive)
தொழில்நுட்பத்தை அதிகம் சார்ந்திராமல் இருக்கும் சில வேலைகளில் இதுவும் ஒன்றாக இருப்பதால், நிதித் துறையில் நீங்கள் பெறக்கூடிய பல்வேறு வேலைகள் இருக்கின்றன.
அவற்றில் சில:
- முதலீடு அனலிஸ்ட்
- ரிஸ்க் அனலிஸ்ட்
- வென்ச்சர் கேபிடல் அனலிஸ்ட்
- நிதி ஆய்வு பொறியாளர்
- வணிக வளர்ச்சி மேலாளர்
கிரிப்டோவில் முதலீடு செய்வது ஆபத்தைக் கொண்டுள்ளது என்பதால், அதை நிதி நிபுணர்களை விட வேறு எவரும் நிறுவனங்களுக்கு விளக்க முடியாது. கிரிப்டோவில் முதலீடு செய்தாலும் அல்லது முதலீட்டாளர்களுக்கு ஆலோசனை வழங்கினாலும், இந்த கிரிப்டோ வேலைத் துறைக்கான வாய்ப்பு மிகவும் விரிவானது.
மேலே உள்ள பட்டியல் முழுமையானது அல்ல, மேலும் எங்களை நம்புங்கள், கிரிப்டோவில் நிதி வேலைகளைப் பற்றி ஆராய இன்னும் நிறைய இருக்கிறது.
இந்தியாவில் ஒரு கிரிப்டோ வேலையைப் பெறுவது எப்படி?
இந்தியாவில் கிரிப்டோ வேலையைக் தேடுவது எளிதானது. இணையத்திற்கு நன்றி, Google, LinkedIn அல்லது naukri.com போன்ற வேலைக்கான தளங்களில் எளிமையான தேடலின் மூலம் வேலை பெறுவது இந்தியர்களுக்கு பயனுள்ளதாக இருக்கிறது. ஏஞ்சல் போன்ற முக்கிய தளங்களை நீங்கள் பார்க்கலாம், அங்கு ஸ்டார்ட்அப்கள் பெரும்பாலும் லாபகரமான போஸ்ட்களை பட்டியலிடுகின்றன.
பொதுவாக நிறுவப்பட்ட தொழில்களுடன் ஒப்பிடும்போது கிரிப்டோ துறையில் பணியாற்றுவதன் மற்றொரு நன்மை, திறன்கள் அல்லது தகுதிகள் மாறக்கூடியது. கிரிப்டோ தொழில் சுமார் 12 ஆண்டுகளாக மட்டுமே உள்ளது, அது இன்னும் வளர்ந்து வருகிறது.
வேலைக்கு ஆள் எடுப்பவர்கள் தங்கள் வேலை விளக்கங்களுடன் சரியாகப் பொருந்தக்கூடிய பணியாளர்களைக் கண்டுபிடிக்க முடியாமல் போகலாம். அவர்கள் இந்தத் துறையில் அனுபவமற்றவர்களாக இருக்கலாம், ஆனால் கற்றுக்கொண்டு இறுதியில் வெற்றி பெற முடியும். நீங்கள் நல்ல மனப்பான்மையுடன், ஒவ்வொரு நாளும் கற்றுக் கொள்ளும் மனப்பான்மை இருக்கும்வரை, கிரிப்டோகரன்சியில் ஒரு வேலை உங்களிடமிருந்து இருந்து வெகு தொலைவில் இல்லை. நீங்கள் இந்தத் தொழிலில் விண்ணப்பிக்கப் போகிறீர்கள் என்றால் இந்த இரண்டு குணங்களும் அவசியம். பேலன்ஸ் ஷீட் என்றால் என்னவென்று உங்களுக்குத் தெரியாவிட்டால், நிதித்துறையில் வேலை கிடைக்கும் என்று எதிர்பார்க்க முடியாது.
முடிவுரை
முடிவாக, தற்போது, இந்தியாவில் ஏராளமான கிரிப்டோ வேலைகள் உள்ளன. மேலும், பல பதவிகளுக்கு புரொகிராமிங் அல்லது கோடிங் திறன்கள் தேவையில்லை. இந்தப் புதிய தொழில் தோன்றியதில் இருந்து, அது வேலை வாய்ப்புகளுடன் பெருகி வருகிறது. ஒரு கிரிப்டோ நிபுணராக இருப்பது மிகவும் அவசியமில்லை. ஆனால், உங்கள் துறையின் அடிப்படைகளை நீங்கள் தெரிந்து வைத்திருப்பது சிறந்தது.
ஒட்டுமொத்தமாக, நீங்கள் பிளாக்செயின் தொழில்நுட்பத்தில் ஆர்வமாக இருந்து அதில் பங்களிக்க முடியும் என்றால், நிறுவனங்கள் உங்களை எந்த ஒரு பொருத்தமான பணிக்கும் விரைவில் வேலைக்கு அமர்த்தலாம்.
கிரிப்டோ வேலைகளைப் பற்றிய சிறந்த அம்சம் என்னவென்றால், அதிக கல்விப் பின்னணி தேவையில்லை, மாறாக நீங்கள் எவ்வளவு சிறப்பாகச் செயல்பட முடியும் என்பதே முக்கியம். எந்த கிரிப்டோ வேலைக்கு விண்ணப்பிக்கிறீர்கள்? கீழே, கருத்துகளின் வழியே எங்களிடம் கூறுங்கள்!
பொறுப்புத் துறப்பு: கிரிப்டோகரன்சி என்பது சட்டப்பூர்வ டெண்டர் அல்ல, தற்போது அது ஒழுங்குபடுத்தப்படவில்லை. கிரிப்டோகரன்சிகளை வர்த்தகம் செய்யும் போது, அதிக விலை ஏற்ற இறக்கத்திற்கு உட்பட்டிருப்பதால், நீங்கள் போதுமான இடர் மதிப்பீட்டை மேற்கொள்கிறீர்கள் என்பதை உறுதி செய்யவும். இந்தப் பிரிவில் வழங்கப்பட்ட தகவல்கள் எந்த முதலீட்டு ஆலோசனையையும் அல்லது WazirX இன் அதிகாரப்பூர்வ நிலைப்பாட்டையும் குறிக்கவில்லை. இந்த வலைப்பதிவு இடுகையை எந்த நேரத்திலும் எந்த காரணத்திற்காகவும் முன்னறிவிப்பின்றி திருத்தவோ அல்லது மாற்றவோ WazirX தனது சொந்த விருப்பத்தின் பேரில் உரிமை கொண்டுள்ளது.
